ឥណ្ឌូណេស៊ី បើកឆាកឈ្នះកូរ៉េខាងត្បូង នៃពានរង្វាន់យុវជនកម្រិតទ្វីប AFC U17 Asian Cup 2025

 ក្រុម​បាល់ទាត់​យុវជន​ពី​តំបន់​អាស៊ាន​ចំនួន ៣​បាន​ធ្វើ​ការ​ប្រកួត​បើក​ឆាក​រួច​រាល់ ដោយ​ថៃបើកឆាកចាញ់អ៊ូសបេគីស្ថាន វៀតណាម ស្មើជាមួយអូស្ត្រាលី ខណ:ឥណ្ឌូណេស៊ី ឈ្នះកូរ៉េខាងត្បូង ក្នុងការប្រកួតពានរង្វាន់យុវជនកម្រិតទ្វីប AFC U17 Asian Cup 2025។

រំលឹក​ថា ក្រោយឆ្លងផុតវគ្គជម្រុះ ក្រុម​ពី​តំបន់​អាស៊ាន ៣បាន​ឡើង​មក​កាន់​វគ្គនេះក្នុងនោះក៏មានថៃ វៀតណាម និងឥណ្ឌូណេស៊ី ដែលជាសមាជិកអាស៊ានចូលរួមប្រកួតប្រជែងផងដែរ។ ខណ:ការប្រកួត បាន​ធ្វើ​ឡើង​នៅប្រទេសអារ៉ាប៊ីសាអូឌីត ចាប់ពីថ្ងៃទី៣ ដល់ថ្ងៃទី២០ ខែមេសា ឆ្នាំ២០២៥ ដោយមាន ១៦ក្រុមចូល​រួម។

លទ្ធផលបើកឆាក២ប្រកួត ពូល A៖

• អ៊ូសបេគីស្ថាន ៤-១ ថៃ
• អារ៉ាប៊ីសាអូឌីត ២-១ ចិន។

លទ្ធផលបើកឆាក២ប្រកួត ពូល B៖

• អូស្រ្តាលី ១-១ វៀតណាម
• ជប៉ុន ៤-១ អេមីរ៉ាតអារ៉ាប់រួម។

លទ្ធផលបើកឆាក២ប្រកួត ពូល C៖

• កូរ៉េខាងត្បូង ០-១ ឥណ្ឌូណេស៊ី

• យេម៉ែន ២-០ អាហ្វហ្គានីស្ថាន។

សម្រាប់ពានរង្វាន់យុវជនកម្រិតទ្វីប AFC U17 Asian Cup បង្កើតឡើងដំបូងនៅឆ្នាំ១៩៨៥ ពោលគឺមានអាយុកាលជាង ៣៩ឆ្នាំហើយ ខណៈក្រុមយុវជនជប៉ុន ឈ្នះជើងឯងច្រើនជាងគេសរុប៤លើក កូរ៉េខាងត្បូង, កូរ៉េខាងជើង, ចិន, អារ៉ាប់ប៊ីសាអូឌីត, អូម៉ង់, បានចំនួន២លើក រីឯក្រុមជម្រើសជាតិកាតា, អ៊ីរ៉ុង, អ៊ូសបេគីស្ថាន, ថៃ និងអ៊ីរ៉ាក់ ឈ្នះ១លើកដូចគ្នា៕